重組第一首上架歌 【我有貨】正式啟市
闊別樂壇7年的二人組合Swing,終於再度出現,宣佈重新啟市。 組合Swing由Eric Kwok 、Jerald兩位鬼馬及創意多到滿瀉的主腦組成 ,09年正式孖住加盟環球唱片,繼續營業,實在可喜可賀。今次舞龍醒獅、放炮杖推出全新主打歌【我有貨】;由陳詠謙填詞,Eric Kwok 及 Jerald主理作 /編 / 監職務。主腦之一的Eric Kwok 認為【我有貨】這首歌是「大大公司」的延續,感覺似之前公司關了 ,然後舖位丟空得太耐,現在重新推出一批新貨上架繼續營業。部份歌詞亦相當到位,形容出Swing一向挑皮、多搞作的心聲。
好學唔學 學人玩不和
Swing一向挑皮、多搞作，於環球攝製隊訪問期間，多次與環球記者發生口角、踫撞，開口埋口大大聲「黐筋孖！」。Eric表示其實Swing「冇走過」，係有人扮型(指Jerald)，學人封咪，又「唔講口齒」，Jerald立即在旁回應:「係呀, 我冇口齒架！」Eric:「其實係成日晌車度聽swing的歌，覺得好舊、好厭，所以想做d新歌。」Jerald:「係囉，就係有貨囉。」然後Eric一輪咀講新歌<我有貨>以及與商台細蘇合作的Show，然後問Jerald有冇補充，他又嘆氣又笑說:「我冇補充，冇野講。佢成日都唔講野。」Jerald說罷便拂袖而去，Eric在旁「O了咀」,並說:「佢不嬲都係咁架喇，佢Gay架」。
MV會Eric獨撐大場 Swing武當回歸
翌日，MV及唱片封套大會，更只得Eric一人到場。與陳奕迅御用導演莊少榮開大會，計劃新歌MV均用上古裝拍攝，郊外搭景兼有爆炸及武打場面，費用如拍戲，耗資數十萬，攝製隊問到會否有嘉賓及各人角色時，Eric表示:「嘉賓會陸續公佈，至於Jerald…一係俾個光頭和尚佢做囉。」而新碟的設計就找來葛文輝御用潮人攝影師Sunny Lau(亦是謝安琪演唱會設計師)製作，大碟名稱為<武當>，看來這隊洋化男子組合對中國文化的確有濃厚興趣。
我有貨
曲：Eric Kwok / Jerald 詞：陳詠謙
編 / 監 : Swing
A1
從前有間 公司關了 清倉不要 執笠做拆家
然後舖位 丟空久了 推出一批新貨上架
誰路過都 恭喜一下 加點驚訝 比之前更誇
熱夠身然後再大變身 你要嗎
C1
我有貨 dadadadada 不必擔心次貨
最緊要我有貨 dadadadada 色彩統統襯過
最緊要我有貨 dadadadada 樣樣慢工細貨
最緊要我有貨
A2
營業結束 一些慘叫 一些偷笑 分左右兩邊
其實各位 都想等到 街口一齣好戲上演
隨著拍子 天天打卦 屈指一算 一於就發癲
換套衫然後再調個位 等等先
D
我悶得太耐 我要玩耍故我在
無謂要我改
我近得你耐 我發夢都有你在
還是兩個人 大不了話我黐孖筋
我兩個黐住再孖住
然後再黐筋孖筋 黐筋 孖筋
C2
我有貨 （黐孖筋）dadadadada 不必擔心次貨
最緊要我有貨（黐孖筋）dadadadada 色彩統統襯過
最緊要我有貨（黐孖筋）dadadadada 樣樣慢工細貨
要知道營業記緊客戶至上
C3
我有貨 （黐孖筋）（黐孖筋）黐孖筋的創意
最緊要我有貨 （黐孖筋） 無謂來講錢 位位都可試試
最緊要我有貨 （黐孖筋） 我鍾意表演 沒扮作高檔次
最緊要我有貨
沒有留言:
張貼留言
注意：只有此網誌的成員可以留言。